Bilboko Pabeloi 6 aretoak ‘Zerura eroria: kriston eromena’ obra eskainiko du martxoaren 27an, antzerkiaren Nazioarteko egunean. Gaur Aiora Sedano aktorea izan da gurean. Zerura eroria komedia zoroa da. Hil ondoren gertatzen denaz hitz egiten dute. Zerbait ba ote hil ostean? Eta hala izanez gero, gora ala bera goaz? Horrelako gaiak landuz publikoari barre algarak sortzea da antzerkiaren funtsa. Armando da protagonista, bizitza osoa lanean igaro ostean, zeruan deskantsatzea beste helbururik ez zuen gizona. Baina kapitalismoa ere hara gora heldu da, eta bere produktibitate faltagatik agian kanpoan geldituko da. Pablo Ibarluzearen zuzendaritzapean eta Mikel Fernandinoren testuan oinarritua, Florentino Badiola, Aiora Sedano eta Aitor Fernandino izango dira oholtza gainean arituko diren aktoreak.
Deskargatu hemen.