Gizarte mugimenduen aurkako «kriminalizazio kanpaina» bat martxan jartzea egotzi diote Eusko Jaurlaritzari. Deitzaileen artean daude Global Sumud Flotilla, Justizia Aranarentzat plataforma eta Errekaleor Bizirik. Loiuko aireportuan Global Sumud Flotillako kideei eginiko harreran Ertzaintzak izandako jarrera bortitzak, eta antzeko beste zenbait gertakarik, segurtasun publikoaren kudeaketaren inguruko eztabaida piztu dute, hainbat eragileren artean kezka sortuz. Egoera horren aurrean, manifestazioa deitu dute ezinegona adierazteko: Bilbon egingo dute, hilaren 20an, 17:30ean, Plaza Eliptikotik abiatuta, “Jaurlaritzaren kriminalizazioaren aurrean, eskubide zibil eta politikoak defendatu” lelopean. Antolatzaileen arabera, ez da gertakari isolatua, eta erantzun kolektiboa behar du.
Deskargatu hemen.
