Liburuetatik gizartera eta gizartetik liburuetara, halaxe bizi dugu literatura Liburuen Errepublika Txikian. Horregatik, hain zuzen ere, gure egiten dugu inguratzen gaituen munduarekiko grina eta ardura. Hori dela eta, ozen esan nahi dugu: euskarak eta euskal hiztunen komunitateak bizi duten larrialditik, indarraldira. Oztopo, mehatxu eta oldarraldi judizialetik, Pizkundera. Ikastoletan, ikastetxeetan, antolatu […]
Liburuen Errepublika Txikia
Liburuen Errepublika Txikitik, urduritasunez, ilusioz eta maitasun osoz… eginiko saio berria dugu. Aitziber, Gaizko eta Danel dira gidari, krikiño ikastolarekin elkarlanean eginiko literatur saioa da.
Udazkena heldu da! Kaleak orbelez bete zaizkigu, liburuz mesanotxeak, eta, egunak gero eta laburragoak diren honetan, gero eta luzeagoa egiten ari zaigu “irakurri beharrekoen zerrenda”… Bitartean, poesiak sorturiko lanbroa zeharkatuz datozkigu zaldiak, lauhazka, irakurri ditugun azken liburuak haizatuz. Besarkadarik estuena euskaltegietatik entzuten gaituzuenontzat, dena merezi duzue. Eta beste besarkada bat […]
Itsasoak mendeetan zehar inspiratu ditu mundu osoko idazleak. Gurean ere bai, noski, kresal usaina darie olerki askori, baita Berria aldizkariko udako argazki-lehiaketara aurkeztutako zenbait argazkiri ere. Bai, liburuak, argazkiak, paisaiak… bizitza bere osotasunean irakurri nahi dugu errepublika txiki honetan! Zuk ez, ala? Gure azken irakurketen artean, euskal Robin Hood-ari buruzko […]
Uda, literatura, hondartza, lagunartea… hobeto ezin! Erdu gurekin batera bidaia literario honetara: Palestinara doan heriotzaren trenetik SPrako tranbiara, gure herriko bazterretan geldialdi interesgarriak eginez. Bestalde, ez dira betiko garai onenak. Izan ere, Gaizkok apalategia erosi du etxean duen anabasa literarioa txukuntzeko asmoz, eta bi irakurketa baino ez dizkigu ekarri Aitziberrek. […]
Lehorretik kontinente zaharrean zehar, bustitik balez beteriko itsaso zabalean, literaturaz beteriko bidaiari ekingo diogu. Noraino, baina? Bidaia eder hori, noski, ez dugu bakarrik egingo: gure lagun biboteduna, entzule fidelak eta liburuetako pertsonaiak alboan izango ditugu, guztion artean, urratsez urrats, herri bat osatuz. Amaitzeko, gure teleberri literarioan, Hegel irakurtzen alemaniera ikasi […]
Idatzi edo idazle izan? Idazlearen liburuak edo ibilbide politikoa? Horiei eta bestelako galderei erantzuteko asmoz, Euskal Herritik Italiarako bidea egingo dugu, literatura iparrorratz. Halaber, literaturatik abiatuz, ikastolatik gizartera eta kaleetatik ikasgelara jauzika arituko gara, feminismoa bezalako aferak hizketagai. Merezi ote literaturak? BIZI, IRAKURRI ETA IZAN ZORIONTSU! https://bilbohiria.com/docs2/2025/liburuenerrepublikatxikia/250415_liburuen_errepublika_txikia_24.mp3 Deskargatu hemen.
Amelie Nothomben istorioen indar magnetikoa eta gobernuen erabakien ardura herriei egozteko joera sarraskigilea. Mitxelenaren amaren egonarria zelan islatu zen Angelupoulosen “Ziterara bidaian” eta nola erabili zituzten Ginzburgen aitak eta Melville Harrigarriak ustezko zetazeo bat miresmena sortzeko eta salaketa soziala egiteko. BIZI, IRAKURRI ETA IZAN ZORIONTSU! https://bilbohiria.com/docs2/2025/liburuenerrepublikatxikia/250325_liburuen_errepublika_txikia_23.mp3 Deskargatu hemen.
Aintziretan Miranderen Igela, Apaleta, Pasazaitekoen altxorrak, biboteen ilunpeetan, Flanneryren sator begien txinpart itsuak, Melvlle Harrigarriaren eskifaian, ezusteko gonbidatuak, Guillaumen Xomorroen ustekabeko edertasuna, Moranteren Elsa, Ginzburgen Natalia, eta gustuko ez ditugun liburuak ez bukatzearen sen ona. https://bilbohiria.com/docs2/2025/liburuenerrepublikatxikia/250226_liburuen_errepublika_txikia_22.mp3 Deskargatu hemen.
Errealitatearen harria landuko duen labana dugu literatura. Kometa aireratu eta, zerutik, gauzak hobeto ikusten dira: “Moby Dick”, “Neronek tirako nizkin”, “Barrengaizto”, Lizar Begoña… Zientzia eta literatura, lorea eta labana elkartuko ditugu 21. saioan. Gurekin aireratzeko prest? BIZI, IRAKURRI ETA IZAN ZORIONTSU! https://bilbohiria.com/docs2/2025/liburuenerrepublikatxikia/250114_liburuen_errepublika_txikia_21.mp3 Deskargatu hemen.
Beste behin, lehertu da Durangoko Azoka! Nobedade literario eta musikalen artean, betiko izen gogoangarriak: Artze, Benito Lertxundi, Zumeta… Gainera, emakumeak baztertzen ez dituzten antologia literarioak eta hamaika iradokizun. BIZI, IRAKURRI ETA IZAN ZORIONTSU! https://bilbohiria.com/docs2/2024/liburuenerrepublikatxikia/241210_liburuen_errepublika_txikia_20.mp3 Deskargatu hemen.