Aste Nagusian euskara nagusi kanpaina aurkeztu dute Bilboko konpartsek eta Guka mugimenduak. Euskararen aldeko konpromiso argia adierazi dute, badirelako euskaraz bizi nahi duten milaka bilbotar eta euskal herritar. Horretarako, pertsona duin eta eskubide osodun gisa, egunerokoan eta eremu guztietan euskaraz eroso aritzeko aukera aldarrikatu dute. Azken urteetan jaiak euskalduntzeko hainbat […]
Aste Nagusia
Aste Nagusian Bilbo Hiria irratiak zuzeneko emankizun berezia egin du egunez egun, jai eremutik bertatik emitituz.
Algara Konpartsaren agertokitik ere euskal talde ugari igaroko dira, eta horien artean izango da Indabe. Donostiako hirukoteak pauso sendoak eman ditu azken urteotan: gaztetxe eta herriko jaietako bertsioetatik abiatu, eta gaur egun bere nortasun propioa duen taldea bihurtu da. Horren erakusgarri da aurreko0 urtean kaleratutako lehen diskoa, Ez banaiz, ametsak, […]
Euskalduna jauregira salto egingo dugu, Ugaitz Alegria eta Ainhoa Etxebarria protagonista dituen ikuskizuna izango dugu hizpide, Tongola. Bi artista polifazetiko hauek barrea eta musika uztartzen dituzte show honetan, eta sariren bat ere egon liteke jokoan… edo agian, oparirik onena bien komediaz gozatzeko aukera izatea da. Ezustekoak, hori bai, ziurtatuta daude. […]
Altxaporrue konpartsako Urko izan dugu gurean eta Altxaporrue egunaz eta jaiaz aritu gara solasean. Txandak ere izan ditugu mintzagai eta Urkoren hitzetan irratira etortzea ere txanda bat da eta letra handiz markatzen du urtero egutegian. https://bilbohiria.com/docs2/2025/astenagusia/250820_Altxaporru.mp3 Deskargatu hemen.
Bilboko Aste Nagusiaren bihotzean girotutako lehen filma pantaila handira iritsi da. Jone, batzuetan Sara Fantova zuzendari bilbotarraren opera prima da, 2023ko Aste Nagusian bertan filmatua eta jaialdi garrantzitsuetan arrakasta handia lortu duena. Istorioak Jone izeneko gazte baten heldutasunerako bidea kontatzen du, familia, lagunak eta maitasunaren lehen esperientziak uztartuz, jai giroan murgilduta. […]
Steady Rockets taldeko Itxaro eta Aitor etorri dira, Algara konpartsan joko duen Bilboko ska eta rocksteady taldea dugu. Akatz taldearekin “gurasoekin jotzea” bezala da eurentzat. https://bilbohiria.com/docs2/2025/astenagusia/250821_steady.mp3 Deskargatu hemen.
Nahia Novok ekarri dizkigu berak Aste Nagusi honetan zuzenean ikusi dituen zenbait erreferentzia interesgarri. Egun bakar batean bost kontzertu ikustera heldu da! Bestalde, DJ Denz bezala Algara konpartsan aritu den Beñatek aste honetako bere pasadizoak kontatu dizkigu. Bitxiak benetan disko jartzaileen gorabeherak! https://bilbohiria.com/docs2/2025/astenagusia/250822_nahia_novo.mp3 Deskargatu hemen.
Niko Cuenca ekonomilaria eta konpartsakidea da, Txomin Barullo eta Hor dago Abante inguruan aritzen da eta, besteak beste, jai herrikoien eta ekonomiaren arteko harremanez aritu gara berarekin, baita jaietako kontsumo ohiturez ere. https://bilbohiria.com/docs2/2025/astenagusia/250821_niko_cuenca.mp3 Deskargatu hemen.
Konpartsakideen gaurko tartean Hau Pittu Hau eta Txori Barrote konpartsetako kideak jaso ditugu, Nerea eta Haritz, hainbat kontu kontatzera. Atzo egun berezia izan zen Hau Pittu Haun, gaur Txori Barroten etxera eguna ospatzen dute. https://bilbohiria.com/docs2/2025/astenagusia/250822_haupittuhau_txori.mp3 Deskatgatu hemen.
Txinbotarrak konpartsako Itsasne eta Galder hurbildu zaizkigu eta konpartsaren historiaz, helburuez eta programazioaz jardun dugu eurekin. Bilbo Kantari ere izan dugu mintzagai, Galder bertan baitabil. https://bilbohiria.com/docs2/2025/astenagusia/250821_txinbo.mp3 Deskargatu hemen.