Eusko Jaurlaritza: eta gure lizentzia noizko? #BilboHiriakBerea

Iragan astean jakin genuen Eusko Jaurlaritzak EAEn FM bidez emititzeko 17 irrati lizentzia esleitu dituela behin betiko. Jaurlaritzak berak 2012an deitu eta ondoren bertan behera utzitako lehiaketari balioa eman dio orain, orduan onuradunak ziren egitasmo guztiei lizentziak behin betiko emanez. Bitartean, Bilbo Hiriak, irabazi asmorik gabeko irrati euskaldunak lizentziarik gabe jarraituko du Eusko Jaurlaritzak irratien ganorazko deialdia egin ezean, eta ez du ematen egingo duenik.

Bilbo Hiria irratia 1997an sortu zen Bilbon Zenbat Gara elkartearen eskutik, FMaren 96.0an, nagusiki erdarazkoa zen dialean euskarazko ekarpena egiteko. Bilboko eta Bilborako euskal irrati bakarra da Bilbo Hiria, gizarte eta kultura gaietan zentratua, eta gure hiriko auzoetako bizitza soziala euskaraz islatzeaz gain, musika, literatura, zinea, bertsolaritza, irakaskuntza, haurren mundua, teknologia, ekonomia, sexologia, historia, ekologia eta zientzia dibulgazioa jorratzen ditu, besteak beste, bere saio ugarien bidez eta kolaboratzaile askoren ekarpenari esker.

Irabazi asmorik gabeko irratia da Bilbo Hiria, eta ekonomikoki ahalegin handia suposatzen du Zenbat Gararen ekosistema kolaboratiboan. Gure jardunerako lagungarri litzateke lizentzia edukitzea hainbat arrazoirengatik. Adibidez, gure FM irrati seinalea hobetu ahal izango genuke, indar eta kalitate handiagoz igorriz, eta diru-laguntzak jaso ahal izango genituzke irrati moduan, Eusko Jaurlaritzak berak lizentzia edukitzea eskatzen baitu horrelakoetara aurkeztu ahal izateko. Urterik urtera, lizentziarik gabe egoteak kaltetzen gaitu, eta 22 urte beteko ditugu laster.

2012ko otsailean Patxi Lópezen gobernuak, EAEn 34 lizentzia emateko lehiaketa deitu zuen, Eusko Jaurlaritza 26 urtez FMrako lizentziarik eman gabe egon ondoren. Orduan salatu genuenez, lehiaketa hura ez zegoen irrati txiki eta euskaldunen neurrira egina, irrati pribatu eta komertzialentzako egina zen. Beste hainbatek ere lehia desorekatua zela salatu zuten, ez zuela kontutan hartzen herri ekimeneko irrati ez komertzialik bere balorazio irizpideetan, eta gehienbat erdara hutsezko lizentziak banatzeko egina zela, euskara baztertzen zuela. Bestalde, deialdi hark egitasmo hutsak hartzen zituen kontuan lizentzia merezi zuten baloratzeko, ez zituen jada martxan zeuden irratiak eta erakutsitako ibilbideak ezertarako kontuan hartzen.

Hala ere, aurkeztu ginen lehiaketa tranpati horretara, ahalegin ekonomiko eta pertsonal handia eginez, egitasmo ekonomiko, tekniko eta profesional txukuna aurkeztuta… Eta ez ziguten lizentziarik eman, nahiago izan zuten egitasmo hutsak zirenei esleitu, inoiz gauzatuko diren ez dakigunak.

Bidegabekeria salaketak eta irregulartasunak tartean, Lópezen gobernu berak 2012ko abenduan erabaki zuen lehiaketa bera eta, ondorioz, hark ezarritako behin-behineko esleipenak bertan behera uztea.

Orduan pentsatu genuen Urkulluren Jaurlaritza berriak, luze gabe, zapuztutako lehiaketaren balorazioetan izandako irregulartasunak zuzendu edo lehiaketa haren ordez, ganorazko beste bat abiatuko zuela, hark ez bezala irabazi asmorik gabeko irrati komunitarioak aintzat hartuko zituena, egindako ibilbidea eta ekarpen soziala kontuan hartuko zituena… Baina pasatu dira beste bost urte eta, horren ordez, zapuztutako lehiaketa hartan ebatzi ziren lizentzia guztiak ontzat eman eta behin betiko esleitzea erabaki du Eusko Jaurlaritzak, beraz, bidegabekeria hari oniritzia ematea.

Gauzak horrela, epe laburrean Bilbo Hiria irratiaren jarraipena kolokan dago, lizentziarik gabe, eta FMaren 96.0an ganorazko seinale bat hedatzeko gero eta zailtasun handiagoekin, lizentziadun erdal irrati indartsuen artean estututa.

Bilboko euskaldunok badakigu Bilbo Hiria Irratiak merezi eta behar duela lizentzia. Beraz, Eusko Jaurlaritzari galdera zuzena egin behar diogu: noiz emango diozue behingoz Bilbo Hiriari dagokiona?

Eman bidea eskubideari! Lizentzia orain!

Idatzi hau sinatzen dugu Bilbo Hiriaren honako saiogile eta kolaboratzaileok:

Ane Zabala, Txuma Murugarren, Ula Iruretagoiena, Eleder Aurtenetxe, Ana I Morales, Erlantz Ibargurengoitia, Amaia Urrejola, Hektor Ortega, Rafa Rueda, Galder Perez, Pedro Elias Igartua, Davide Cavaleiro, Endika Alabort Amundarain, Joseba Barandiaran, Xamar, Mikel Oribe, Jon Bernat Zubiri, Iñaki Barcena, Isidro Elgezabal, Gotzon Barandiaran, Jabi Zabala, Josu Zabala, Xabier Monasterio, Prest Aldizkaria, Uriola, Arrosa Sarea.

Bat egin dute honako lagunek:

Bertsozale elkartea, Bizkaiko Bertsozale elkartea, IPES elkartea, Hau Pittu Hau konpartsa, Berbaizu Euskara Elkartea, Pausu Media elkartea, Ruper Ordorika, Ilaski Serrano (kazetaria), Maite Arroitajauregi (kazetaria), Igor Elortza Aranoa (bertsolaria), Amaia Ocerin (kazetaria eta marketineko profesionala), Iker Elorriaga (kazetaria), Jone Gartzia (kazetaria), Nerea Elustondo Plazaola (irakaslea), Eider Txarterina Montero (kultura eta gazteria teknikaria), Urtzi Urkizu Adrian (Berriako kazetaria), Mikel Irizar Intxausti, Goizalde Landabaso (kazetaria), Aitor Perez Goyenaga, Ainhoa Markinez Arruza (irakaslea), Miren Amuriza (bertsolaria), Kike Amonarriz Gorria (soziolingusita), Uxue Alberdi Estibaritz (idazlea eta bertsolaria), Dabid Martinez (software Librearen aldeko aktibista), Gaizka Suárez Iparragirre (telekomunikazio Ingeniaria), Lutxo Egia (idazlea), Udane Goikoetxea Bilbao (kazetaria), Jone Goirizelaia Ordorika (abokatua), Ane Azkue (kazetaria), Jon Artano Izeta (kazetaria), Galder Perez (kazetaria & antzerkilaria), Ainhoa Arregi Elosua (irakaslea), Jon Joseba Renteria Muniategi (irakaslea), Roberto Moso (esataria), Aitor Errazkin (Antxeta Irratia), Nagore Uriarte Gallarreta (kazetaria), Nerea Ibarzabal Salegi (bertsolaria), Leire Alberdi (irakaslea), Elena Unamuno (irakaslea), Aritz Estibez Olea (irakaslea), Susana Gardeazabal Yarritu (irakaslea), Arantza Madariaga Muruaga (irakaslea), Unai Larrabeiti (irakaslea), Roberto Moreno (Tas Tas Irratiko Kide ohia), Borja Estankona Bilbao (marrazketa irakaslea), Lorea Agirre Dorronsoro (kazetaria), Fernando Agirre Badiola (irakaslea), Eneko Abasolo Txabarri, “Abarkas” (bertsolaria), Marta Izagirre Zugazaga (irakaslea), Mikel Abio Gangoiti (irakaslea), Xabier Letona Biteri (kazetaria), Fermin Etxegoien (kazetaria), Larraitz Lezameta Moragues (irakaslea), Aitziber Zapirain Etxaniz (Antxeta Irratia), Aitor Sarriegi Galparsoro (bertsolaria eta informatikaria), Aitor Mendiluze (irakaslea), Beñat Urbeltz Arregi (diseinatzaile grafikoa), Leire Fernández Vieites (diseinatzaile grafikoa), Errose Zarraga Landa (irakaslea), Isabel Isazelaia Meaurio (irakaslea), Ramón Vila Maruri (mantenuko langilea), Unai Susaeta Arriola (arkitektoa), Miren Luzuriaga (irakaslea), Nora Zabala, Izaskun Garramiola  (irakaslea), Oihan Meñaka Ruiz (banatzailea), Aritz Etxebarria (komertziala), Xabier Angulo Pinedo (erretiratua), Leire Burdain (pedagogoa), Nerea Andres Arribalzaga (irakaslea), Iñigo Santxo Uriarte (abokatua), Birkite Alonso (musikaria/irakaslea), Othman Alfredo Gómez-Cambronero Kortazar (soziologoa), Agurtzane Rementeria (irakaslea), Eneko Olazabal Arruabarrena (irakaslea), Andere Goirigolzarri Garaizar (teknikaria), Alicia Apiñaniz Lopez de Araia (administraria), Aitziber Laskibar Lizarribar (kazetaria), Maite Ordax Bengoa (irakaslea), Itziar Olabarria Llona (irakaslea), Izaskun Larrabeiti Orroño (irakaslea), Gaizka Muñoz Etxebarria (errealizatzaile eta diseinatzailea), Igone Larrabeiti Orroño, Maialen Basterra Fernandez (irakaslea), Ion Rementeria (informatikaria), Leire Maruri Bilbao (publizista), Ander Badiola (jubilatua), Jon Aspuru Rubio (argazkilaria), David Saenz Barrera (irakaslea), Aitor Arrutia Azkueta (bertsolaritza irakaslea), Asier Ortiz de Guinea, Garazi Etxebarria Bizkarra (integratzailea), Asier Legarreta (bertsolaria), Jone Uria Albizuri (ikertzaile postdoktorala), Ion Barrocal Besga (euskara teknikaria), Julen Zelaieta Iriarte (Xorroxin Irratia), Iban Garro Alzuri (bertsolaria), Andoni Canales Arrasate, Ana Monasterio, andereñoa, Iñaki Urrestarazu, jubilatua, Alain Urrestarazu, ikaslea, Ander Monedero Beitia (ikus-entzunezko langilea), Karmele Ogiza (irakaslea), Garbiñe Apiñaniz Lopez de Araya (erizaina), Harkaitz Diaz, Oihana Iguaran Barandiaran (ikerlaria eta bertsolaria), Aitor Esteban Etxebarria (bertsolaria), Iratxe Ibarra Foruria (euskara teknikaria), Iraide Zugazaga Uriarte (udal langilea), Ana Sarasola Amundarain (irakaslea), Mikel Osa Solabarrieta (administrari laguntzailea), Lydia Lizarraga Gonzalez (irakaslea), Pedro Mari Urrutikoetxea, Itziar Lizarraga Gonzalez (haur hezitzailea), Aitor Egaña Pedruelo (ingeniaria), Olatz Gorostiaga, Irati Lukas Zeanuri (gazte teknikaria), Estitxu Arozena Albizu (bertso irakaslea), Itziar Ruiz Oar-Arteta, Amaia Navarro, irakaslea, Iker Martinez de Lagos, Ainara Rementeria (administraria), Maitane Legarreta Etxezarreta (euskara irakaslea eta kazetaria), Joserra Martínez Krutxaga (itsasontziko kapitaina, jubilatua), Axier Goñi Arsuaga (basozaina), Marije Fullaondo, Ibon Meñika Orue-Etxebarria, Pello Otxandiano (Sortuko herrigintza idazkaria), Juan Rekalde Izagirre (euskara irakaslea), Iván Fuentes, Izaskun Soto Aldalur (erizain laguntzailea).

Zure atxikimendua gehitu nahi izanez gero, idatzi iruzkin bat hementxe bertan, edo mezua bidali lizentziaorain@bilbohiria.eus helbidera zure izen-abizena(k) eta lanbidea idatzita.