Ry Cooder gitarrajole apartaren ibilbide musikal oparoa luze eta sakon jorratzeko asmoa dauka Pedro Elias Igartuak lauzpabost mongrafikotan, hamarkadaz hamarkada joanez. Gaurkoan lehenengoa egin du. Bertan, musikariari buruz ohiko datuak emateaz gain, hasierako urteak hartu ditu erreferentziatzat (1967-71) eta urte horietan bakarka zein beste batzuentzat joz egin zituen lanak erakutsi eta eta entzungai jari dizkigu Pedrok. Irratsaioan zehar, Ry Cooderren eskutik, hamaikatxo kantu eder eta artista handi agertzen dira: Taj Mahal, Rolling Stones, Neil Young, Randy Newman, Phil Ochs, Buffy Saint-Marie, eta abar.
Saio hau deskargatzeko klikatu HEMEN.