Kubako Viñales herritik dator Ventana al valle egitasmoa. Egitasmo komunitarioa da, kasu honetan bertako kultura adierazpide jatorrak babesteko: dantza kubatarrak, ahozko literatura, son musika, repentismoa… Ostatatzea ere badute martxan, proiektua finantziatzeko eta bidaiariak bertan hartuz bestelako turismo mota bat garatzeko. Martxan daude kultura ekimenak eta eraikitzen ari da kulturgunea bertan. Asteburu honetan Abadiñoko Gaztetxean egitasmoa ezagutzeko aukera izango dugu, Euskal Herriko zenbait lagunek antolatuta, “Ireki leihoa Kubari” jaialdia antolatu baitute, gurean proiektua ezagutzera emateko eta sosak, tresnak eta arropak biltzeko. Bertoko euskal kudeaketa taldean dabilen Jabi Zabalak eman digu honen guztiaren berri.
Honekin lotuak
-
2011/12/15
IBAIZABAL: Bilbo Zaharreko Santomas jaia
-
2011/06/27
Piperpolis: udako musika jaialdiak