SOINUGELA: Norma Waterson, Calexico, Dickinson anaiak, Joe Gibbs

Urtarrilaren 30ean hil zen Norma Waterson, 81 urte zituela, Ingalaterrako iparraldeko Hull hirian jaio zen eta fok kantari ezinbestekoa izan da. Ingalaterrako sustraiekin batera, bere amamak irlandarrak eta ijitoak ziren, eta beraiek zaindu zituzten Norma, Lal eta Mike neba-arrebekin batera. Hirurek sortu zuten The Watersons taldea. Gero, askotan Martin Carty senarrarekin batera egin zuen lan eta, azkenaldian, euren alaba Elizarekin ere bai. Bakarlari moduan 1966an aritu zen lehen aldiz eta arrakasta itzela izan zuen. Entzun ditugun bere kantuak: I Am a Rover (1966), Rubber Band (1972), Shady Lady (1972), Black Muddy River (1996), Hard Times Heart (1996), Love of My Life (1999), Over the Rainbow (1999), River Man (1999), Raggle Taggle Gypsies (1999), The Beast in Me (2018) eta Scarborough Fair (2018).

Arizonako Calexico taldeak aurten 10. bilduma kaleratu du. Joey Burns eta John Convertinok aspaldian sortu zuten taldea rock jazz, country eta latino nahasteko asmoa zuten, eta denboran zehar soinu propioa lortu dute. Entzun ditugunak: Victor Jara’s hands (2008), Sunken Waltz (2015), Not Even Stevie Nicks (2018), El mirador (2022), Harness the Wind (2022), El Paso (2022) eta Costellation (2022).

North Mississippi All Stars-en disko berritik See the Moon entzun dugu.

Jamaikako Joe Gibbs ekoizleak kantari askorekin gauzatu zituen reggae grabazio ederrak 1972-73 tartean. Haietako batzuk entzun ditugu, Money in My Pocket CDan daudenak: Money in My Pocket (Dennis Brown), Knock on Wood (Alton Ellis), Pablo at Home (Augustus Pablo) eta Make Love Not War (U-Roy). (Argazkia: Bryan Ledgard).

Deskargatu hemen.

 

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Next Post

GAUR EZ DAGO ESKOLARIK: Laguntxoa gaixorik etxean

lr. Mai 28 , 2022
Lagunak! Zelan egiten duzue zuek klasekideren bat gaixorik dagoenean? Nork ematen dio eskolan egin denaren berri? Lur eta Ilargik gaur lagun bati etxera eraman diote klasean egindako lana, eta sorpresaren bat ere… https://bilbohiria.com/docs2/2022/gaurezdagoeskolarik/220528_gaurezdagoeskolarik_gaixorik.mp3 Deskargatu hemen.

Honekin lotuak