2.282. zenbakia da aste honi dagokiona eta azalean “Emakumeak arraunean: kontsolazio txandan oraingoz”. Asteko pertsonaia María Jesús Torre elbetearra da; Erdiko Kaieran, aldiz, Liburu-dendak jorratu dituzte. Termometroan Javier Olaberri ingeniariari egin diote elkarrizketa eta Net Hurbil atalean Fukushimako istripu nuklearra izan dute hizpide. Bukatzeko, Larrun gehigarrian Alfonso del Val ingurumenean aditua elkarrizketatu dute, Mikel Asurmendi Argiako kazetariak azaldu digunez.