LAB sindikatuko Raul Mendez, aipatu liburuaren egileetako bat izan dugu gaurko Solasaldian. Duela ia urte bete, Bilboko Auzo Elkarteen Koordinakundeak, CCOO, LAB eta UGT sindikatuekin, Ekologistak Martxanekin eta teknikari batzuekin Bilboko (eta inguruko) garraio publikoari buruzko Liburu Zuria gauzatzeari ekin zioten eta pasa den astean aurkeztu zuten Burtsa auzoetxean. Lau ataletan dago banatuta: Sarrera, garraio publikoaren azterketa, ondorioak eta proposamenak. Bilbon, Eusko Jaurlaritzaren datuen arabera, joan-etorriaren %58 oinez egiten dira eta soilik %10 autoz. Orain, Liburu Zuria aurkezten ari dira komunikabideetan, 60 bat erakunderi (gehienak publikoak) eman diete liburua eta laster auzoz auzo ibiliko dira irekita den liburu horren bitartez eztabaida soziala hedatzeko asmoz.
Solasaldi hau deskargatzeko klikatu HEMEN.