Larunbat honetan ospatuko da Plentzian Euskal Herriko presoak etxeratzearen aldeko XII. Itsas Martxa. Urtero legez, aldarrikapena izango da ekimenaren ardatz nagusia, eta egitarau oparoa prestatu dute egun osorako. Martxaren helburu nagusia euskal errepresaliatu politikoen eskubide urraketak salatzea eta haien askatasuna exijitzea da. Hala ere, aurtengo edizioan Palestinako herriari elkartasuna adierazteko tartea ere izango da, “itsasadarretik itsasora” lelopean. Ekimenak hainbat jarduera bilduko ditu ibilbidean zehar, aldarri politikoa eta giro herrikoia uztartuz, Plentziako zubian abiapuntu eta helmuga izango duen martxan.
Deskargatu hemen.
