Artega ei zegoen bazkaltzera heldu garenean. Zer egin? Argi: ardao apur bat bazkariagaz :-)! Raka-raka atera dira hainbeste kontu interesgarri, eta haietako ale batzuk uhinetara: Abusu Sarean, eskolan “auzo osoa behar dogu ume bakoitza hezteko” sinisten zutelako hasi ei zana; Bidelagun proiektua, auzoko jendea umeak oinez eskolara joatea erraztuz; Hirigintza parte-hartzailea;… eta horretan heldu zen Gotzone auzora, liburuzain. Lehengo egitekoa argi izan zuen: auzoko elkarteengana hurbildu eta elkarlanerako gonbitea. Erantzuna oparoa. Liburutegi espazioak bizia eta lasaia behar du. Oreka horri eustean koxka. Ipuin kontalariak entzuteko txiki lotu liburutegia. Zer egin? “Zuk ere kontatzen duzu” proiektua, gurasoak bertara hurbildu daitezen kontalari. Aipatzekoak ere “Abusu irakurle” flash-moba, “Eutsi liburu bat!” saltoki eta tabernak liburutegiaren luzapen gisa,… Jakina, holango lan ederra horren gogotsu eginda, sariak ere etorri: María Moliner, BIGErena,…
Euskara irakasle ibili izan da urtetan Gotzone, somatzen zaio. Zer ikasi zuen sasoi hartan? Kalearen garrantziak, parte-hartzearena,… Eskola ederra hori ere, AEK!.
Lasai joan da, gustora egon dala, oso gustora gu be, altxorraren giltza darabilenagaz berbaz :-).
Kantuak:
You can´t judge a book by looking at its cover (Spanky Wilson)
Erreferentziak:
http://liburutegiak.blog.
http://abususarean.blogspot.