EHUko irakasle eta Ekologistak Martxan taldeko kide den Iñaki Barcenak Boliviako erregaien nazionalizazio dekretua izan du aztergai Ibaizabal magazinaren gaurko Solasaldian. Beste zenbait herrialdek hartutako neurri bera indarrean jarriz, Evo MOralesen gobernuak Boliviak dituen baliabideak berreskuratu nahi ditu dekretu horren bidez. Ildo beretik, Europako Batasuneko agintarien jarrera kritikatu du Iñaki Barcenak, Europarako onartzen ez dituzten jarduerak Bolivian eta beste zenbait herrialdetan egiten jarraitzen dutelako. Horretaz ohartzeko, aski dugu Amazoniako oihanetan bailabide naturalak eskuratzeagatik potentziek eginiko sarraskiei erreparatzea. Solasaldi hau deskargatzeko, klikatu HEMEN.
Next Post
BASKISTAN: Afrika mendebaldeko eta Ipar Europako musika
al. Mai 15 , 2006
Sustraidun musikaren mapamundia irudikatzen duen Baskistan irratsaioaren azken emanaldian ohi bezain ibiltari aritu zaigu Mikel Urbeltz. Laburpen gisa, esan genezake Afrika mendebaldean eta Ipar Europan ibili zaigula oraingo honetan. Lehen orduko monografikoan Mali aldera eramango gaitu, bertako musikaririk handienetako batek, Toumani Diabatek, Symmetric Orchestrarekin grabatutako Boulevard de L´Independance (Independentziaren Pasealekua) […]