Beste urte batez, abian da gripearen aurkako txertoa hartzeko kanpaina. Eusko Jaurlaritzako Osasun Sailaren eta Osakidetzaren kanpaina bereziki, 65 urtetik gorakoei, gaixotasun kronikoren bat dutenei, haurdun daudenei eta osasun arloko langileei zuzendua dago. 380.000 txerto ditu Jaurlaritzak, 1.200.000 euroko inbertsioa egin dute. Gaur lehen eguna izan da, eta Bilboko anbulatorio batera hurbildu gara. Amaia kareaga medikuak eman dizkigu azalpenak. Esan bezala Gripea gaixotasun infekziosoa da, oso kutsakorra da, eta edonor erasan dezake. Gehienetan onbera da, baina arazo larriak sortu ahal dizkie biriketako, bihotzeko, eta gibeleko gaixotasun kronikoak dituztenei eta diabetesa dutenei. Bestalde, garrantzitsua da 65 urte baino gehiago dutenek txertoa jartzea, gaixotasunik ez badute ere. Jendea animatzeko kanpaina martxan jarri dute eta Jose Angel Iribar izan da gaurkoa txertoa hartu duen lehenengoa, txertoarekin esperientzia hona izan duela kontatu digu.
Deskargatu hemen.