Martxoaren 8rako deituta dagoen greba deialdiarekin bat eginez, ostegunean bere ohiko programazioa egiteari utziko dio Bilbo Hiria irratiak. Bilbo hiria irratiko emakumeok Euskal Herriko Mugimendu Feministak Martxoaren 8rako deitutako grebarekin bat egin dugu. Horregatik, ez ditugu egingo goizeko ohiko magazinak, eta egunean zehar ez dugu saiorik argitaratuko. Hala ere, sare sozialen bidez Bilbon izango diren mobilizazioen berri emango dugu zuzenean.
Potto saioan bertsoa eta antzerkia uztartu ditugu gaurkoan. Otsailaren 27an, Bilboko La Villa tabernan izan zen BERTSOERRONDA sariketaren III. kanporaketako bertso ale preziatuenak ekarri ditugu Bilbo Hiriaren uhinetara. Hori gutxi ez eta Bilbotik Plentziarako saltoa egin dugu. Bertan, martxoaren 2an, Goñi Portal kultura-etxean izan zen ERRADIKALAK GARA bertso-antzezpen musikatuaz gozatu […]
