Euskal Herriko txoko ezberdinak literaturaren bidez josten dituen egitasmo baten fruitu da Hamaika irakurtzeko jaioak ipuin-bilduma. Udalbiltza-k sustatutako Geuretik Sortuak egitasmoaren hirugarren edizioan, hamabi idazlek hiru asteko egonaldi bana egin dute euren bizilekua ez den herri batean, eta esperientzia horretatik sortu dira hamaika istorio. Horietako bat da Maitane Nerekanek Amasa-Villabonan idatzitakoa: maitasunari buruzko gogoeta filosofiko bat, lekutik eta bizipenetatik edanez eraikia. Euskal Herria egiteko modu asko daudela esan zuen aurkezpenean; literaturarena, dudarik gabe, ederrenetakoa dela sinetsita, bere esperientziaz eta ipuinaren nondik norakoez aritu gara berarekin.
Deskargatu hemen.
