Astebetez belaunetik txarto ibili ondoren, sendatuta itzuli zaigu Pedro Soinugelara. Sendatuta eta indarberrituta,
musika ona entzuten jarraitzeko. Irlandatik abiatu gara gaur De Dannan taldearen eskutik. Berriz ekarri digu
Pedrok”Welcome To The Hotel Connemara”. Handik Kataluniara jo dugu, disko hauek entzuteko: La Pegatina (diskoan euskaraz argitaratu duten kanta entzun dugu: Jai eta Dantza), gero Kataluniatik Afrikako musika egiten duen Color Humano taldea, izan dugu; horren ostean, Willy Fuegok, Kinky Beat taldeko gitarrajoleak, bakarka atera duen diskoa izan dugu; eta azkenean, Kinky Beat taldea bera ere bai. Bestalde, asteon Bilbon jo duela eta, Marianne Faithfull abeslari beteranoa ere etorri zaigu bere azken diskoarekin:
Hoprses and High Heels”.
Irratsaioaren azken berrogei minutuak country musikaren esparruan aitzindaritzat jotzen den Riley Puckett musikari itsu zuriaren ibilbidea ezagutzeko erabili ditugu.