Errusia eta Ukraniaren arteko desadostasunak gas krisia sortu du Europan, ekialdean batez ere. Josu Larrinagaren ustez arrazoietatik haratago, krisiak argi erakusten du dependentzia energetikoa: gure “bizimoduari” jarraitzeko petrolio edo gas asko behar dugu, eta horiek hainbat kasutan urrun daude. Edozein arazo dela kausa (desadostasunak, istripuak, erasoak…) egoera jasanezin bihurtu da egunotan Bulgarian edo Bosnian gertatzen ari den bezala. Honi lotuta, Bizkaia Badian 3. Gas-Biltegia eraiki nahi dutela aztertu du Josuk: independentzia energetikoa aipatzen dutenek egin nahi dute lan hori, kontuan hartu gabe urrundik datorrela (horrek dakarren guztiarekin) edo zer nolako egoera jasan behar duten Nigeriako edo Aljeriako biztanleek. Alternatibak ere aipatu ditu eta beste eredu energetiko batean bilatu behar ditugula esan digu Josuk.
Solasaldi hau deskargatzeko klikatu HEMEN.