Ismael Manterolak bi gai horiek izan ditu aztergai gaurkoan. Hasteko, pasa den apirilean Rekalde aretoko Pilar Mur zuzendaria dimiarazi zuen Josune Aristondo EAJko politikariak. Ismaelen ustez politikariek afera honen inguruan izandako jarrera penagarria izan da; arte mundutik, aldiz, bestelako erantzuna agertu da eta Murren lana azpimarratzeaz gain, artista eta kritiko askoren atxikimendua lortu dute. Bestetik, Bilboko Windsor Kulturgintza galerian Xabier Morras iruindarren “Chicago, Londres: sueños de acero” erakusketa izan du mintzagai. Margo batzuk dira, handiak ere eta pasa den mendeko 20. hamarkadaren eraikinak agertzen dira, kolore apaletan. Aipatu erakusketa ekaina bukatu arte izango da indarrean .
Elkarrizketa hau deskargatzeko klikatu HEMEN.