Patxi Ruiz de Samaniegorekin mintzatu gara gaur Hizpidea magazineko hasierako tartean. Espainiako hauteskundeen inguruan dagoen giro politikoa jorratu du Patxik, lehenik Espainian ekainaren 26an egingo diren hauteskunde orokorrei buruzkoa eta gero horiek Hego Euskal Herrian udazkenean izango diren autonomikoetan izan dezaketen eragina. Gure kolaboratzaileak polarizazio moduko bat ikusten du Espainian PP alderdiaren eta Podemos Unidos koalizioaren artean. Lehian ari dira biak eskuinaren eta ezkerraren nagusigoa lortzeko, hurrenez hurren. Jakina, polarizazio horretatik PSOE eta Ciudadanos aterako lirateke galtzaile. Euskal Autonomia Erkidegoari gagozkiola, EAJren nagusitasuna eta Podemos-Ahal Dugu eta EH Bilduren artean zabaldu den lehia azpimarratu ditu Patxi Ruiz de Samaniegok.
HIZPIDEA: Espainiako hauteskundeen inguruan
