Hau Pittu Hau konpartsako Ander eta Soihartze izan dira gurean, gaur ospatuko duten “Euskaraz bizi” eguna eta bertan eman ohi duten “Euskara saria” azaltzen. Kontatu digutenez, sari kolektiboak dira, positiboan, euskararen aldeko lanean egindako lanak aitortu eta nabarmentzeko. Konpartsaren egungo egoera eta bilakaera ere azaldu digute, belaunaldi berriak sartu baitira. Bilboren egoera soziolingusitikoaz eta pregoiaz ere mintzatu gara beraiekin.
Rufino Arrolaren eskolako ikasle-kide eta Rufinoren bikotekide urte luzez, Isukitze aldetik dator Kepa eta aita Tomas Sitze-k sortutako musikari ugariko Arrizabalaga sendiko kidea dugu. Plazetatik jubilatuta ei dago eta Robertok lagunduta etorri zaigu Kepa Arrizabalaga, askotan trikiti bikotekide eta, izatekotan, semeorde modukoa, Robertok berak aitortu baitigu aita baten moduan portatu […]
