Bihar, hilaren 18an, Donostian metroa egiteko dagoen egitasmoaren aurkako manifestazioa izango da “Metroa gelditu, herriari galdetu” lelopean. Kultura, kirol, kazetaritza eta beste esparru sozial askotako 70 pertsona ezagunek agiria sinatu dute, agintariek aurrera eraman nahi duten metro egitasmoaren kontra daudela ezagutzera emateko. Sator Alaia kolektiboko kide den Mikel Alvarezek esan digunaren arabera, Donostian metroa egiteko plana Ibarretxeren agintalditik datorren kontu zaharra da eta hasieratik beretik erantzun handia izan du herritarren partetik. Logikoena, Mikel Alvarezen ustez, Topo delakoaren eta autobus zerbitzuen arteko osagarritasuna bilatzea litzateke, hondartza azpian trenbideak zulatzen ibili gabe.
Deskargatu hemen.
