Ligan bide aski neketsua egin ondoan, Osasuna futbol taldeak lehen mailara itzultzeko aukera handiak ditu, Gironari joaneko partidan 2 eta 1 irabazita. Bihar jokatu behar den partida honek sekulako ikusmina piztu du Nafarroa osoan eta pantaila erraldoirik eta ospakizunik ez da faltako, seguruenik. Baina kontu larriagoak ere badira Nafarroa Garaian, TRW enpresako langileen egoera, adibidez. Mikel Bujandak jakinarazi digunez, Justiziaren azken epaiak arrazoia eman die langileei. Hauteskunde giroa ere deskribatu digu Euskalerria irratiko kazetariak azken inkestaren haritik. Demoskopiak eginiko galdeketaren arabera, Elkarrekin Ahal Dugu koalizioa nagusituko litzateke Nafarroan ekainaren 26an, UPNren aurretik.
Deskargatu hemen.
