Mikel Urbeltz musikariak Bilbo Hiria irratian egiten duen Baskistan irratsaioa martxan dago beste urte batez. Gainera, esan behar dizuegu aurten formato berrian datorkigula: aurrerantzean, ordu bikoa barik, ordubetekoa izango da Mikel Urbeltzen emanaldia, astelehenero, arratsaldeko 18,00etan hasita. Eta behin zuzenean eskaini eta gero, bilbohiria.com-era pasatuko dugu, jakina. Hauxe duzue aurtengo uztaren lehenbiziko alea. Bertan, saioaren lehen atalean duela hilabete gutxi hil zen Ali Farka Toureri gorazarre egin dio Mikel Urbeltzek, Maliko musikari handiaren azken diskoaren entzunaldia eginez. Diskoak Saban du izena, eta aditu zenbaiten ustez, Ali Farka Toureren emaitzarik hoberenetako bat. Horren ostean, Irlandako aireak izan dira nagusi aste honetako Baskistanen. Saioaren bigarren atalean The Bothy Band eta Altan taldeen azken lanak ezagutzeko beta izan dugu.
Saioa deskargatzeko, klikatu hemen: 1.atala, 2.atala.
Entzuteko: 1.atala: https://www.bilbohiria.com/docs/podcast/baskistan/baskistan061009a.mp3
2.atala: https://www.bilbohiria.com/docs/podcast/baskistan/baskistan061009b.mp3