Zientziak azken aspaldion egin dituen aurrerapen eta aurkikuntza erabakigarrienak eta eztabaidagarrienak zeintzuk izan diren jakiteko inkesta bat egingo balitz zientzialarien artean, CRISPR akronimoaz ezagutzen den teknika goiko postuetan egongo litzateke, seguru asko. Teknika honen bidez, geneak lehen baino askoz errazago eralda daitezke, nahi den ondorioa lortzeko. Teknika merkea denez, han-hemengo laborategietan esperimentuak egiten hasiak dira eta, uste izatekoa denez, komunitate zientifikoan, berez dituen onurak ukatu gabe, kezka agertu da praktika honetatik sor litezkeen erabilera eta ondorioez.
ZIENTZIALARI: CRISPR, geneak eraldatzeko teknika
