Zaparrada haur konpartsako Jon eta Rita izan dira gaurko saioan. Goizean zehar ogia egiten ibili dira eta hori nola egin duten kontatu digute. Gaztetxoaenak aste nagusia nola bizi duten kontatu digu. Egitarau potolo prestatu du Zaparrada haur konpartsa gaztetxoenak Aste Nagusiaz goza dezaten, Igandean txupinarekin abiatu zuten egitaraua, bihar soinu tailerra izango dute, ostiralean bazkaria eta disko festa eta larunbatean antzerkia.
2006an sortu zen Txinbotarrak konpartsa, auzotarren arteko harremanak bultzatzeko eta jai eta kultura herrikoiak bai auzoan bai Bilbon bultzatzeko helburuarekin. Izena txinboetatik datorkio, Zorrotza auzoan ezaugarri ziren kanaberadietako txoritxoak, alegia. Txinbotarrak konpartsako Igor Gutierrez izan da gurean. Galdera bota diogu, Bilbo Zorrotzan hasten da edo amaitu? Igorrek kontatu digun moduan […]
