Gaurkoan bat egin dugu Uribe Kostako Hiruka agerkariko Irantzu Sagarminaga kazetariarekin, eskualdeko berri aipagarri batzuk nabarmentzeko. Hasteko, joan den hilaren 25eko osoko bilkuran Plentziako Udalbatzak aho batez onartu zuen Placentia (Kanada) eta Plentzia herrien arteko senidetzea. Horren helburuetako bat da herri bien arteko lankidetza sustatzea, adiskidetasun-loturak indartzeko eta harremanak ugaritzeko. Bestetik, Gorlizko udaletxeko beharginen hizkuntza ohiturak aldatzeko egiten dabiltzan ekimenaren berri eman digu eta, bukatzeko, ostegunean, Getxoko Azebarri kultur elkartean Anari kantariak hitzaldia eta kantaldia eskainiko duela aipatu digu Sagarminagak.
Deskargatu hemen.
