Migrazio-fluxuak moteldu egin diren arren, aurten ere Euskadik jatorri atzerritarreko biztanleriaren hartzaile izaten jarraitzen du. Era berean, 2017an sendotzen ari da azken urteotako joera, eta hala, Latinoamerikako biztanleen eta emakumeen ehunekoa, oro har, gora egiten ari da. Guzti hauek aztertu ditugu Gorka Morenorekin Ikuspegi, Euskadiko migrazioa behatokiko zuzendariarekin. 2017an atzerritar jatorriko 7.373 pertsona gehiago erroldatu dira EAEn. 2017an, itxuraz, berretsi egin da krisi ondorengo egoera, bai 2015ean bai 2016an jada antzematen hasi zena. Atzeraldi ekonomikoaren garaian, fluxuak nabarmen moteldu ziren; areago, zenbait unetan, atzerritarren kopuruak behera egin zuen, baina 2014. urtetik aurrera, eta batez ere 2015ean, datu makroekonomiakoak hobetzearekin batera, fluxuen joera gorantz egiten hasi zen berriro, ez oparoaldi ekonomikoan bezain argi, baina bai atzeraldi ekonomikoa indarrean zen urteetan baino nabarmenago.
Deskargatu hemen.
