Zer gertatzen da dena galtzeko zorian zaudenean? Zenbat diruren truke igaroko zenituzke zazpi urte kartzelan? 7 urte antzezlanak galdera deseroso baina oso gaurkotuak jartzen ditu mahai gainean. Lau bazkide, bulego batean giltzapetuta, polizia ate joka agertu aurretik. Iruzur fiskala, errua, beldurra eta anbizioa. Eta haien ondoan, bitartekari bat, Kandido Uranga aktoreak gorpuztuta, jokoaren arauak ondo baino hobeto ezagutzen dituen gizona. Thriller psikologiko modura eraikitako obra honek indarkeria fisikorik gabe, hitzen bidezko biolentzia darabil pertsonaiak muturreraino eramateko. Diruaren boterea, indibidualismoa eta eskrupulu falta agerian geratzen dira, ikuslea ere epaile bihurtzeraino. Gaur, 7 urte antzezlana Basaurin estrenatuko dute. Agurtzane Intxaurraga zuzendariarekin hitz egin dugu.
Deskargatu hemen.
