Next Station ikus-entzunezko formatuan proposamen berritzaileak ateratzeko asmoa duen plataforma da. Next Station ikusentzunezko bigarren lehiaketa jarri du martxan. Jokin Echevarriak eman dizkigu lehiaketaren xehetasunak. Next Station plataformak deialdi bat egin du euskal sortzaileak erakartzeko. Euskarazko lehen serie digitala ekoiztea da asmoa, azken-azkeneko teknologia erabiliz gainera, 4K ultra-bereizmena. Proiektua asmo handikoa da; seriearen denboraldi oso bat filmatzea da xedea, 6 kapitulu guztira. Aurkeztutako proiektu horietatik 20 aukeratuko dira, eta hautaketa bi modutara egingo da: batetik, aditu talde batek erabakiko du beren ustez zein diren ideia onenak, eta, bestetik, jendeak sare sozialen bidez eman ahal izango du bere botua. Ondoren, hiru sortzaile hautatuko dira, beka baten bidez prestakuntza jasotzeko. Mondragon Unibertsitateak Bilbon duen egoitzan, BBF eraikinean (Bizkaiko Berrikuntza Faktoria) eta Donostiako Tabakalera Kultura Garaikidearen Nazioarteko Zentroan jasoko dute prestakuntza hori.
Informazioa: www.nextstation.club
Deskargatu hemen.
