Berrikitan jakin dugunez, UPV/EHUk IbeA ikertaldeak NASAren Mars 2020 espazio misioan dihardu lanean. Beste zenbait zientzialarirekin batera, partzuergo eran Marteko gainazalean dauden harriak eta lurzorua aztertzeko balio izango duen Supercam izeneko tresnaren kalibrazioan lan egiten ari da misio garrantzitsu horretan. IbeA ikertaldeko partaide dugun Gorka Arana kimikariak bere taldeak NASAren misioan egingo duen ekarpenaren berri emango digu gaurko saioan. (Argazkia: NASA).
Bilbok datorren urterako 526 milioi euroko aurrekontua izango duela jakinarazi du udalak. Iazko aurrekontuarekin alderatuta ia %5 igo dela eta dirua pertsonengana, auzoetara eta hiriaren ekonomia bultzatzera zuzenduko dutela azaldu du Juan Mari Aburto alkateak. Dirua hamalau arlotan bananduko dute, eta Obrak, zerbitzuak, hiri eraberritzea eta espazio publikoa izango da […]