Zorion Egileor pregoilariak eta Saioa Dominguez txupinerak hasiera eman diote Bilboko Aste Nagusiari, jendez gainezka izan den Arriaga plazan. Egileorrek bere pregoian gogoratu duenez, Bilboko jaietarako eredu berrirako deia egin zuen duela 41 urte “Internet asmatu aurretiko sare sozialetik, irratitik, hain justu”. “Jaiak ospatzeko beste modu bat nahi genuenak bildu ginen, eta herrietan egiten zena inportatu, jaia herrikoi eta parte-hartzaile bihurtuz”. Pregoilariak azpimarratu du Bilbok “nortasun plurala” duela, eta indarkeria matxistarekin amaitzeko eta pentsiodunen, baztertuen eta migratzaileen beharrei so egiteko “irudimena eta bizi-poza” aldarrikatu ditu. Bukatzeko funtsa ganora eta zentzuna izan behar dela aldarrikatu du.
Deskargatu hemen.
