“Zorrak ez dira barkatzen edo ez barkatzen. Zorrak kitatu egiten dira. Nire kodea da” Esaldi honekin aurkeztu du bere liburu berria, Ostadarrak lurra ukitzen duen lekua, Edorta Jimenezek. Hamarkada oso batez eleberrigintzan aritu gabe egon ostean, Txalapartaren eskutik kaleratu du nobela beltz hau mundakarrak. Ertzain torturatzaile bat jarri du protagonista Jimenezek eta hildako txakur batzuen kasuarekin hasi eta gai sakonak jorratzen ditu liburuan; ustelkeria, justizia, tortura, gizartearen pasibitatea eta beste asko, guztia ironia eta kritika sakonekin. Iñigo Cabacasen gaia ere izan du hizketagai; oso kritikoa izan da, ia zinikoa, boterearen iruzurrarekin, polizia indarrekin eta hauen tortura kasuekin.
Deskargatu hemen.
