Urteari hasiera emateko, hiru zatitan banatu dugu saioa. Lehenengoan, James Brown zenari eta urtarrilaren 8an 60 urte bete dituen David Bowieri omenaldia. Saioa bukatzeko, zuzeneko iradokizunak: Ostiral honetan, Detroitetik The Mugg eta The Paybacks taldeak Bilboko Kafe Antzokian eta Jim Morrisonen The Doors taldeko kideek osatu talde berria Donostian, Riders on the Storm. Bestalde, urteroko hitzordua Elliott Murphy olerkariarekin, ostiralean Leioan eta igandean berriz, Euskalduna Jauregian.
Saioaren atal nagusia Iñigo “Cabezafuego” nafarra buru duen talde berriari eskaini diogu. Royal Canal da taldea, Noizpop zigiluarekin debut zirraragarria atera berri duena. Saioa deskargatzeko, klik HEMEN.