Mondragon Unibertsitatean ekintzailetza gradu bat ikasten ari diren lau gaztek osatzen dute Inspirarte proiektua: Amets Agirrebengoa Arrieta, Mariana Fernandez de Nograro Gutierrez, Ane Sagredo Berzosa eta Nacho Almendariz Martinez. Euskarazko literatura batzuetan bazterturik geratzen delakoan, euskal idazleak bistaratu eta euskal literatura bultzatzeko modua pentsatu zuten: Bizkaiko 40 udalerritan 60 esaldi literario paratzea. Elkarren eta Euskal Editoreen Elkartearen laguntza dute gazteek, baina proiektua erdibidean geratu da, pandemia dela eta. Zenbait idazlerekin harremanetan jarri dira, eta haien esku utziko dute esaldien hautaketa. Astelehenean Bilboko Itsas Museoan abiatuko dute ekimena, Kirmen Uriberen esaldi batekin.
Deskargatu hemen.
