Apirilaren 29a, Dantzaren Nazioarteko Eguna da gaur. Duela 40 urte inguru ezarri zuen egun hau UNESCOk, eta data aukeratzeko arrazoia Jean-Georges Noverre maisu eta ballet modernoaren sortzailearen jaioteguna izan zen.
Gaurko eguna ospatzeko, ADDEk, Euskal Herriko Dantza Profesionalen Elkarteak omenaldia egin nahi die 80ko hamarkadan ibilbide profesionala hasi eta gaur egun Euskadiko dantzaren sektorean jardunean jarraitzen duten emakumeen belaunaldiari. Horretarako, azken lau hamarkadetan Euskadiko dantzaren historian funtsezkoak izan diren lau emakume gonbidatuko dituzte: Ana Remiro Donostiako Udal Dantza Eskolako irakaslea, Alicia Gomez Dantzertiko irakaslea, Ana Rosa Tercero, bere Zentroko zuzendaria eta Laura Etxebarria La Fundicióneko zuzendaria.
Ekitaldia gaur izango da, eguerdiko 12:30etan Dantzertiko Auditorioan, baina streaming bidez jarraitzeko aukera ere egongo da Bilbao Kultura-ren You Tube kanalaren bidez.
Deskargatu hemen
