Gaurkoan Bilbo Hiria irratian euskara ikastearen inguruan mintzatu gara, izan ere askotan entzun izan dugu euskara munduko “hizkuntza zailenetako” bat dela. Topikoa dela argi dugu, izan ere hamaika adibide ditugu mito hori ezeztatzen dutenak. Horietako batzuk gezurtatu ditugu gure mikrofonoetan, Gabriel Aresti euskaltegiko ikasleek euren ikasketa prozesua nolakoa izan den kontatu baitigute. Euskara ikastearen prozesu aberatsaren inguruan berba egin dugu, izan ere badira urteak Gabriel Aresti euskaltegiak Plus ikastaro trinkoak eskaintzen dituela, motibazioa, aisialdia eta praktika uztartzen diren ikastaro bereziak, euskaran eta euskal kulturaren unibertsoan murgiltzeko.
Deskargatu hemen.
