Bilboko Mugimendu Feministak manifestazioa egingo du zainketen merkantilizazioaren aurka. Asteazken honetan, martxoaren 8a, Bilboko Mugimendu Feminista kalera aterako da “zainketen merkantilizazioa” salatzeko eta alternatiba gisa “zaintzarako eskubide kolektiboa” proposatzeko. Bilbon egindako prentsaurrekoan, mugimenduak agerian utzi nahi izan du “gizonezkoen ihesa eta zainketen merkantilizazioa”, eta nabarmendu du “bizitzari eusten dioten zainketak emakumeek egiten jarraitzen dutela, batez ere, migratuta eta arrazializatuta”. Bilboko Mugimendu Feministak, alternatiba gisa, “zaintzarako eskubide kolektiboaren alde” egiten duela adierazi du. Azaldu dutenez, “zaintza-sistema publiko komunitario baterantz jotzeko” borrokatuko dute. Horrela, egungo “gizarte antolaketa heteropatriarkala, kapitalista, kolonialista, antigitanoa eta kapatizista” errotik eraldatzea aldarrikatzen dute. Zainketen negozioa amaitu zaizue lelopean. Feminismoa da alternatiba, manifestazioa martxoaren 8an, asteazkenean, abiatuko da, 19: 30ean, Bilboko Jesusen Bihotza plazatik.
Deskargatu hemen.
