Martxoaren 14an, Matematikaren Nazioarteko Egunean, Pi egunaren bosgarren edizioa egingo da UPV/EHUko Bizkaia Aretoan. Beste urtebetez, Basque Center for Applied Mathematics eta Euskal Herriko Unibertsitateko Kultura Zientifikoko Katedrak matematika oinarri daukaten tailer eta bakarrizketez osatutako egitaraua prestatu dute. José Ignacio Royo Matematika Saileko irakaslea da eta 14an bertan Papieroflexia tailerra emango du, eta berak eman digu egun horretan izango denaren berri.
Martxoarekin batera, Mobile World Congress izaten dugu Bartzelonan. Aurtengoa Mobile arloan gutxi zentratutako edizioa izan da, eta Txinako merkatura bideratutako iragarkirik aipagarrienak izan ditu. Horretaz guztiaz hitz egingo dugu programa honetan, baita Twitterrek ahots- eta bideo-deiak lehenetsita eta erabiltzaileei baimenik eskatu gabe aktibatzeak dakartzan pribatutasun-arazoez ere. Berrien atalean banku-araudi berriaz […]
