Soinugelara bertara etorri zaigu Borja Estankona musikari gaztea bakarka atera duen lehenbiziko diskoaz jardutera. Benetan atsegina izan da, bere azalpenen bidez, disko bat nola sortzen duen eta zer hartzen duen kontuan eta zer ez artistak, disko bat prestatzeko orduan. Eta galdera eta erantzunen artean, diskoa apurka-apurka aletzeko aukera izan dugu. Horretaz gain, joan den astean Amede Ardoin cajun musikariaz hasitako monografikoari amaiera eman dio Pedrok eta bukaera aldean Alain Toussaint artistaren bi kanta entzuteko parada eduki dugu.