Goizalde Landabaso deustuar idazle eta kazetaria izan da saio honetako protagonista. Duela gutxi Bränskint liburua argitaratu du. Honako hau bere hirugarren bakarko liburua dugu. Mikro-ipuinez osatutako eleberri grafiko hau, Aritz Eigurenen ilustraziak ditu oso ondo zaindutako Txalaparta argitaletxearen edizioan. Luze eta zabal berba egin dugu Goizalderekin eta baita liburuko pasarte batzuk entzun ere.
Bränskit Europa iparraldean imajina dezakegun baina, egia esan, beste edonon ere egon zitekeen irudizko hiria. Munduko hiri guztiak berdin eta ezberdin direlako. Horien tabernetako erakusleihoetatik tai gabe ikusten dugulako kale artean galdutako esperantza, aienerik ez duen mina, desioa eta, oroz gain, bizirauteko beharra.