Efemeride garrantzitsu baten inguruan atondu du Ainhoa Markinezek aste honetako saioa. Izan ere, berrehun urte betetzen baitira aurten Juan Crisostomo Arriaga Balzola bilbotar musikaria Zazpikaleetako Somera kalean jaio zela. Euskalduna (euskaraduna) genuen Arriaga, gurasoak Errigoiti eta Gernikakoak izanik. Txiki-txikitatik abiatu zen musikaren konposizioan. Hamaika urte bete orduko, okteto bat konposatu zuen, Nada y mucho (Bat ere ez eta asko) izenekoa, eta hamahiru urte zituela, bere lehenengo opera idatzi zuen: Los esclavos felices (Esklabu zoriontsuak). Zoritxarrez, oso gazterik hil zen, hogei urte baino ez zituela. Musikari klasiko-erromantikoa genuen Juan Crisostomo Arriaga, eta sarri askotan Mozartekin konparatu izan dute kritikariek. Bere omenez egindako irratsaio honetan ondoko lan hauek entzun daitezke: Los esclavos felices (Esklabu zoriontsuak) operaren obertura, harizko tresnentzako 3. laukotea, harizko tresnentzako 2. laukotearen Andantea (gai aldagaiekin) eta Sinfonia Re Maiorrean: Adagio-Allegro Vivace – Andante. Saioa deskargatu nahi baduzu, klikatu HEMEN.
Honekin lotuak
-
2007/03/29
SOTOTIK: Reynols, Daniel Menche, Johannes B…
-
2011/11/23
IBAIZABAL: Getxoko X. Komiki eta Manga Azoka
-
2013/05/23
IBAIZABAL: Latinoamerikako berriak
-
2013/02/17
IBAIZABAL: Pentsiodunak borrokan
-
2014/01/24
IBAIZABAL: Nafarroako Kronika