Greziako poliziak Europako Batasunaren guztizko oniritziaz Idomeniko kanpalekuak husten hasiak direla jakin dugun goiz honetan, bertatik etorri berriak diren bi lagunekin mintzatu gara Hizpidea irratsaioan. Nati Ovelleiro eta Adela Etxebarria dira bi lagun horiek, Ongi Etorri Errefuxiatuak Bizkaiko Plataformako kide direnak. Bertan egin duten lana azaltzeaz batera, zehaztasun eta xehetasun handiz kontatu digute gerra iheslariek une honetan bizi duten egoera latz eta etsigarria. Natik eta Adelak argi utzi nahi izan dute, Europak nonbaitetik datozen pertsonei bidea mozteko hesiak eta harresiak eraikitzen jarraitzen badu, ateak zabaltzen dizkiela arrazakeriari, xenofobiari eta islamofobiari.
HIZPIDEA: Idomeniko kanpalekuetatik bueltan dira Nati Ovelleiro eta Adela Etxebarria
