Bihar abiatuko dute epaiketa, Gasteizen, eta bederatzi eta 12 hilabeteko espetxe zigor eskaerei egin beharko diete aurre. Akusatuen aulkian eseriko diren gazteak iazko maiatzaren 18an Alaia Zaldibar, Igarki Robles eta Ibon Esteban gazteak atxilotu zituzten herri harresian parte hartu zutelako. Gasteizko harresiak jakinarazi duenez, desobedientzia egitea leporatzen die Fiskaltzak. Izaskun Goienetxea akusatuetako batek eman dizkigu azalpen guztiak.
Sanferminetako talde-bortxaketak hedabideetan izan zuen isla argitzeko Maria Gonzalez Gorosarri kazetari eta ikerlariarekin bat egin dugu. Uztaileko gertakarian, hedabideek bortxaketari «gogoz kontrako harreman sexuala» esan zioten, sexua eta sexu indarkeria berdinduz. Sexua hainbat pertsonaren artean gorputzarekin izandako plazera da. Sexu indarkeria, ordea, norbaiti eraso egitea edo norbait menderatzea da, sexu […]
