2017ko Ibilaldia Maiatzaren 28an Mungian ospatuko da. “Egunero Alkarregaz” leloa aukeratu dute antolatzaileek, elkarrekin lan egitera eta egunero ekitera dei egiten duen leloa hain zuzen ere. Azken txanpan sartuta dabiltza Larramendi ikastolako lagunak, eta ohikoa den moduan Ibilaldia festak ere kantua izango du. Itziarren Semeak talde mungiarrak jarri du musika eta TAKET Bertsolari taldeko kideak diren Mikel Goiriena eta Jone Larrinagak egin dute letra. Ibon Altunak aurkeztu digu Mungiako Larramendi Ikastolak antolatutako bigarren Ibilaldia izango denaren kantua, 1998an, Erdu Geugaz lelopean, Bizkaiko Ikastolen Jaia bertan ospatu zelako. Gainera, Ibilaldiak bat egingo du Larramendi Ikastolaren 50. Urteurrenarekin.
Deskargatu hemen.