Omen eta ospe handiko arrantzaleak izan gara euskaldunok, balearen arrantzari gagozkiola. Iragan mendeetan —XIII. mendetik XVIII. mendera bitartean, batik bat— ezin konta ahala arrantzale ibiltzen ziren inguruko eta urruneko itsasoetan balearen atzetik, gure kostaldeko herriei hainbesteko aberastasuna ekarri zien itsasoko animalia erraldoiaren atzetik, alegia. Zientzialari saioaren gaurko emanaldian, Juan Ignacio Perez Iglesias irakasleak balearen inguruan aspaldiko urteetan sorturiko kulturaz jardungo du eta, bidenabar, animalia horren ezaugarriak gogoraraziko dizkigu. (Irudia: Wikipedia).
Deskargatu hemen.