Onddoak izango dira Zientzialari saio honen protagonistak. Asko eta askotarikoak dira onddoak. Haietako batzuk begi ukaldi batez erraz ikustekoak dira, eta beste asko, aldiz, arras ikusezinak. Onddoak aspaldidanik dira ezagunak eta preziatuak gure artean; eta ez soilik mahai gaineko gutizia gisa. Oroit bedi, esaterako, legamiak eta lizunak onddoak direla. Gaurkoan Isabel Salcedo biologoaren bisita daukagu Bilbo Hiria irratian, onddoen ezaugarri, funtzio eta erabilerak gertuagotik ezagutzeko asmoz. (Argazkia: JP).
Deskargatu hemen.