Gaur goizean, Euskara eta Kulturako foru diputatu Lorea Bilbaok Foru Liburutegiaren 2018. urterako kultur programazioa aurkeztu du. Urte osoan zehar, erakusketak, tailerrak, ikastaroak, irakurtzeko taldeak, literatura topaketak, berbaldiak eta literatura lehiaketak antolatuko dira. Foru-liburutegiko jarduerak 2008. urtean antolatu ziren lehenengoz, eta hamar urte ondoren, askotariko kultura-programazioa gero eta zabalagoa da. Gainera, azken hamarkadan 41.849 pertsonak hartu dute parte jardueretan. Kultura-programazioan 2018rako lau erakusketa eskainiko dira urte osoan zehar. Jende asko bertaratu ohi da erakusketara eta, iaz, esaterako, 3.129 pertsona egon ziren.
Deskargatu hemen.
