Gaurtik igandera bitartean, Emakumeon Mundu Martxaren XI. Nazioarteko Topaketak egingo dituzte Bilbon. Bi urtean behin egiten dituzte, aldiro herrialde batean. Mugimenduaren hurrengo ekintzak erabakiko dituzte, une honetan beste herrialdeetan dituzten eztabaidak ezagutuko, eta barne eztabaidari buruzko gogoeta ere egingo dute. Topaketak itxiak izango dira, mundu osotik etorriko diren ordezkarientzat. Baina Euskal Herriko Emakumeen Mundu Martxak gizartera zabaldu nahi izan du. Horregatik, aste osorako egitarau irekia antolatu dute. Besteak beste, mahai inguruak, kontzertuak, bisita gidatu antzeztuak eta Arratiarako txangoa prestatu dituzte. Feministon Herria eguna izango da gailurra; hilaren 27an egingo dute, larunbatarekin. Gaur arratsaldean harrera ekitaldia izango da.
Deskargatu hemen.
MICE taldeak jarri dio musika Feministon Herriari Bizia Arnas abestiarekin. Urriaren 27an Bilbon Feministon Herria jaialdi parte hartuko du.
