Gaurko saioari hasiera emateko hondarribiar baten musika aukeratu dugu. Txomin Artolak 1978an atera zuen bakarkako lehen diskoa, Belar Hostoak, disko zinez gomendagarria ezagutzen ez baduzue. Bertatik Arrastirian hondartzan abestia ekarri dugu. Bigarren abestia Izen ala ez izen, Berriz arte izeneko diskoan bildu zuen abestia. Calexico dator gero, Spoke estreinako disko hartatik ekarri dizkizuegun abesti parearekin. Mor Music zigiluak atera zuen Electric President taldearen lehenengo diskoa 2006an, disko homonimoa. Aukera ona Electric President taldearen musika pixkat ezagutzeko. Hurrengoa Rafa Ruedak atera duen Hiri Kristalezkoa diskotik bi abesti Irina eta Ainara. Disko ederra Rafaren azken hau. Bukatzeko Laetitia Tamko musikariak sortutako proiektua ekarri dizuegu, Vagabon izena du eta estreinako diskotik Infinite words izenekotik bi abesti atera ditugu.
Deskargatu hemen.